និស្សិតកម្ពុជាចំនួន៤៨នាក់ សិក្សានៅប្រទេសចិន មកកម្ពុជាវិញ តាមច្រកទ្វារអន្តរជាតិប៉ោយប៉ែត
31-January-2020 | ដោយ ពលមនសិការ
បន្ទាយមានជ័យ៖ និស្សិតកម្ពុជាចំនួន៤៨នាក់ ក្រោយពេលបិទបវេសនកាល ពីការសិក្សានៅប្រទេសចិន បានចូលមកកម្ពុជា តាមច្រកទ្វារអន្តរជាតិប៉ោយប៉ែតរយៈពេល២ថ្ងៃ ចាប់ពីថ្ងៃទី២៩ ដល់៣០ ខែមករា ឆ្នាំ២០២០។
ឯកឧត្តម អ៊ុំ រាត្រី អភិបាលខេត្តបន្ទាយមានជ័យបានប្រាប់ថា៖រយៈពេល២ថ្ងៃចាប់ពីថ្ងៃទី២៩ ដល់៣០ ខែមករា ឆ្នាំ២០២០ មាននិស្សិតកម្ពុជាចំនួន៤៨នាក់ បានត្រឡប់មកកម្ពុជាវិញតាមច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ ដែលរថយន្តរដ្ឋបាលសាលាខេត្តបន្ទាយមានជ័យ ទៅទទួលនៅច្រកទ្វារអន្តរជាតិប៉ោយប៉ែត មកដល់សាលាខេត្តបន្ទាយមានជ័យ ហើយរដ្ឋបាលសាលាខេត្តនិងរករថយន្តដឹកជូនទៅគេហដ្ឋានសិស្សតាមបណ្តាខេត្តរៀងខ្លួន។
ឯកឧត្តមបានបញ្ជាក់ថា៖និស្សិតចំនួន៤៨នាក់ ដែលត្រឡប់មកពីសិក្សានៅប្រទេសចិន ហើយចូលតាមប្រទេសថៃចូលមកកម្ពុជា តាមច្រកទ្វារអន្តរជាតិប៉ោយប៉ែត ខេត្តបន្ទាយមានជ័យមាននៅថ្ងៃទី២៩ ខែមករា ឆ្នាំ២០២០ ចូលមកចំនួន៣០នាក់ និងថ្ងៃទី៣០ ខែមករា ឆ្នាំ២០២០ ចូលមកចំនួន១៨នាក់ នេះជានិស្សិតកម្ពុជាដែលទទួលបានអាហាររូបករណ៍របស់ឯកឧត្តម ស សុខា រដ្ឋលេខាធិការក្រសួងអប់រំយុវជននិងកីឡា។
ឯកឧត្តម អ៊ុំ រាត្រី បានបញ្ជាក់ថា៖និស្សិតកម្ពុជាចំនួន៤៨នាក់ ដែលត្រឡប់ពីសិក្សានៅប្រទេសចិននោះ ត្រូវបានពិនិត្យពីក្រុមគ្រូពេទ្យចចត្តាឡីស័ក ទៅលើក្រុមនិស្សិតកម្ពុជាចំនួន៤៨នាក់ មិនមានរោគសញ្ញាវីរូសអ្វីឡើយ៕
ចំនួនអ្នកទស្សនា
- ថ្ងៃនេះ4051
- ម្សិលមិញ15681
- សប្តាហ៍នេះ62891
- ខែនេះ84771
- ឆ្នាំនេះ84771
- សរុប20527227